काँग्रेस नेतृ देउवा र भाजपा विदेश विभाग प्रमुख चौथाईवालेबीच भेटवार्ता
काठमाडौँ, पुस १८ गते । नेपाली काँग्रेसकी केन्द्रीय सदस्य आरजु देउवा र भारतीय जनता पार्टीका विदेश विभाग प्रमुख डा. विजय चौथाईवालेबीच भेटवार्ता भएको छ ।
भारतको राजधानी नयाँदिल्लीमा आइतबार भएको भेटमा दुई देशको सम्बन्ध र समसामयिक राजनीतिक घटनाक्रमको विषयमा कुराकानी भएको छ ।
काँग्रेस नेतृ देउवासँग आइतबार भेट भएको चौथाइवालेले ट्वीटरमार्फत् जानकारी दिनुभएको छ । नेतृ देउवा निजी भ्रमणको सिलसिलामा नयाँदिल्ली पुग्नु भएको हो ।
Today, I had a very coordial meeting with Dr Arzoo Rana Deuba , who is currently on a personal visit to New Delhi. @NepaliCongress pic.twitter.com/FfSbK6yRJT
— Dr Vijay Chauthaiwale (@vijai63) January 2, 2022
प्रधानमन्त्री शेरबहादुर देउवाको भारत भ्रमणको तयारीका लागि देउवा दिल्ली पुग्नुभएको बताइएको छ । प्रधानमन्त्री देउवा पुसको अन्तिम साता भारत भ्रमणमा जाने तयारी अन्तिम चरणमा पुगेको छ ।
