उच्चस्तरीय राजनीतिक संयन्त्रको बैठकमा प्रमको भारत भ्रमणबारे छलफल
काठमाडौं, पुस २२ गते । सरकार सञ्चालनका नेपाली काँग्रेसका वरिष्ठ नेता रामचन्द्र पौडेलको नेतृत्वमा गठित उच्चस्तरीय राजनीतिक संयन्त्रको बैठक प्रधानमन्त्री निवास बालुवाटारमा बसेको छ ।
बैठकमा प्रधानमन्त्री शेरबहादुर देउवाको हुन गइरहेको भारत भ्रमणको विषयमा छलफल भएको काँग्रेस नेता रामचन्द्र पौलेलका स्वकीय सचिव चिरञ्जीवी अधिकारीले बताउनुभयो ।
यससँगै, माघ १२ गते हुन गइरहेको राष्ट्रियसभा निर्वाचनको सम्बन्धमा पनि उच्चस्तरीय राजनीतिक संयन्त्रको बैठकमा छलफल भएको छ ।
बैठकमा प्रधानमन्त्री देउवासहित सत्ता साझेदार दल नेकपा माओवादी केन्द्रका अध्यक्ष पष्पकमल दाहाल 'प्रचण्ड'लगायत सत्तागठन्धनका दल र अन्य दलहरुका नेताहरु सहभागी हुनुभएको उहाँले जानकारी दिनुभयो ।