प्रधानमन्त्री देउवा र एमाले अध्यक्ष ओलीबीच भेटवार्ता सकियो
काठमाडौं, फागुन ५ गते । प्रधानमन्त्री शेरबहादुर देउवा र प्रमुख प्रतिपक्षी दल नेकपा (एमाले) अध्यक्ष केपी शर्मा ओलीबीच भेटवार्ता सकिएको छ ।
बिहीबार राति प्रधानमन्त्री देउवा अध्यक्ष ओलीलाई भेट्न डा. आरजु राणा देउवाका साथ बालकोट पुग्नु भएको थियो ।
प्रधानमन्त्री देउवा र अध्यक्ष ओलीबीच भेटवार्ता सकिएको एमाले अध्यक्ष ओलीका प्रेस संयोजक रामशरण बजगाईँले जानकारी दिनुभयो । भेटमा के विषयमा छलफल भयो बाहिर आएको छैन ।
यसअघि सत्ता गठबन्धनका दलहरुबीच प्रधानमन्त्री निवास बालुवाटारमा अमेरिकी आर्थिक सहायता मिलिनियम च्यालेन्ज कर्पोरेसन (एमसीसी) सम्बन्धमा छलफल भएको थियो । सत्ता गठबन्धनको बैठक भोलि शुक्रबार बिहान १० बजे पुनः बस्दैछ ।
सत्ता गठबन्धनको बैठक सकेलगत्तै प्रधानमन्त्री देउवा डा. राणाको साथमा बालकोट पुग्नुभएको थियो ।