राष्ट्रिय सहमति नहुँदै एमसीसी कार्यसूचीमा समेटियो : देव गुरूङ
काठमाडौं, फागुन ८ गते । प्रतिनिधिसभा बैठकको कार्यसूचीमा अमेरिकी सहयोग परियोजना मिलेनियम च्यालेन्ज कर्पोरेशन (एमसीसी) राखिएको भन्दै नेकपा (माओवादी केन्द्र)ले आपत्ति जनाएको छ ।
आइतबार प्रतिनिधिसभा बैठकमा बोल्दै माओवादी केन्द्रका प्रमुख सचेतक देव गुरुङले राष्ट्रिय सहमति नगरी एमसीसी कार्यसूचीमा समेटिएको भन्दै आपत्ति जनाउनुभएको हो ।
एमसीसीलाई राष्ट्रिय सहमति जुटाएर मात्र संसदमा पेश गर्नुपर्ने माओवादीको धारणा रहेको र कार्यव्यवस्था समितिमा समेत यही बताएको उहाँले प्रष्ट पार्नुभयो ।
प्रमुख प्रतिपक्षी दल नेकपा (एमाले)ले अवरोध गरिरहेको अवस्थामा कार्यसूचीमा समेट्नु गलत भएको गुरुङले बताउनुभयो । आइतबारको बैठकमा समेत एमालेले अवरोध जारी राखेको छ ।