माओवादी केन्द्रीय कार्यसमितिको बैठक
काठमाडौं, फागुन २० गते । सत्ता साझेदार दल नेकपा (माओवादी केन्द्र)को केन्द्रीय कार्यसमितिको बैठक सुरु भएको छ ।
माओवादी केन्द्रको पदाधिकारी चयन, कार्य विभाजन, कार्यसमितिको पूर्णता, स्थानीय चुनावलगायतका विषयमा छलफल हुने बताइएको छ ।
यस लगायत संसदबाट अनुमोदन भइसकेको अमेरिकी आर्थिक सहायता मिलिनियम च्यालेन्ज कर्पोरेसन (एमसीसी) परियोजनाका विषयमा पनि बैठकमा छलफल हुने जनाइएको छ ।
फागुन १५ गतेको प्रतिनिधिसभा संसदबाट एमसीसी अनुमोदन भएसँगै माओवादी केन्द्रकै केही नेताहरु असन्तुष्ट हुनुहुन्छ ।
यी लगायत समसामयिक राजनीतिक विषयमा काठमाडौंको भृकुटीमण्डपस्थित राष्ट्रिय सभागृहमा माओवादीको केन्द्रीय समितिको बैठक बसेको हो ।