एमालेसँग लड्न गठबन्धन भयो : अध्यक्ष ओली
काठमाडौं, चैत १६ गते। प्रमुख प्रतिपक्षी दल नेकपा (एमाले) अध्यक्ष केपी ओलीले आगामी चुनावमा एमालेविरुद्ध गठबन्धन गर्नुपर्ने अवस्था आएको बताउनुभएको छ।
एमालेसँग एक्लै चुनाव लड्न आउने कुरा कुनै पनि पार्टीले सोच्न नसकेपछि गठबन्धन गर्नुपर्ने अवस्था आएको उहाँको भनाइ छ।बुधबार भक्तपुरमा आयोजित कार्यक्रममा बोल्दै ओलीले यस्तो बताउनुभएको हो।
‘गठबन्धन गर्न जरुरी छ।गठबन्धन नगरी एमालेलाई जित्न सकिँदैन भन्ने उहाँहरुको बुझाइ ठिक छ’, उहाँले भन्नुभयो।
यसैगरी, निर्वाचन आयोगले मनोनयन दर्ताका लागि दुई दिन समय छुट्याएकोप्रति पनि उहाँले असन्तुष्टि व्यक्त गर्नुभयो। ‘एक दिनमा त हुनै सक्दैन भनेर, एक हप्ता गराएर पनि के हुन्छ र ?’, उहाँले भन्नुभयो।