२०७७ सालको एसईईको परीक्षाफल प्रकाशित

प्रकृति अधिकारी
कठमाडौं, साउन २३ गते । राष्ट्रिय परीक्षा बोर्डले २०७७ सालको माध्यामिक शिक्षा परीक्षा (एसईई) को नतिजा सार्वजनिक गरेको छ । बोर्डको आज बसेको बैठकले विद्यालयहरुबाट प्राप्त आन्तरिक मूल्याङ्कनलाई प्रमाणीकरण गरी नितिजा प्रकाशित गरेको र यस पटक ग्रेडिङ नगरिएको परीक्षा नियन्त्रक रुद्र अधिकारीले बताउनुभयो ।  अघिल्ला बर्षको जस्तो यस वर्ष कति विद्यार्थीले कुन जीपीए ल्याए भन्ने बारे राष्ट्रिय परीक्षा बोर्डले छुट्याएको छैन ।  अघिल्लो बर्षको जस्तो राष्ट्रिय परीक्षा बोर्डले जीपीए छुट्याएर परीक्षाफल प्रकाशित नगरेको भए पनि अहिले बिद्यार्थीहरुको परीक्षाफल आन्तरीक मुल्यांकलबाट प्रकाशित गरेकाे हो ।  याे वर्ष ” चार लाख ८४ हजार २ सय ७८ विद्यार्थीको नतिजा आज प्रमाणीकरण गरेको बताइएकाे छ |