जीप दुर्घटना अपडेट, मृतक संख्या आठ पुग्याे

सुजल श्रेष्ठ
प्यूठान, माघ २२ गते । गौमुखी गाउँपालिका–६ लिवाङमा दुलही लिएर फर्किएको जीप दुर्घटना हुँदा ८ जनाको मृत्यु भएको छ । भने दुर्घटनामा ५ जना घाईते भएका छन् ।
ग १ ज ५०९२ नम्वरको जीप लिवाङको ओखरपाटा भन्ने स्थानमा दुर्घटना भएको स्थानीय पदमबहादुर केसीले जानकारी दिनुभयो ।
प्युठानकै नौबहिनी गाउँपालिका–६ लुङबाट दुलही लिएर फर्किएको जीप राती १ बजेको समयमा दुर्घटना भएको केसीले बताउनुभयो ।
घाईते २ जनाको जिल्ला अस्पताल विजुवारमा मृत्यु भएको जिल्ला प्रहरी कार्यालय प्युठानका प्रहरी निरीक्षक देवी प्रसाद गैरेले जानकारी दिनुभयो । दुर्घटनाका बाँकी घाईतेलाई जिल्ला अस्पताल विजुवार लगिएको छ । घटनाको वृस्तृत जानकारी आउन सकेको छैन ।