कपिलवस्तुमा यात्रुबाहक बस दुर्घटनामा आठ घाइते, एक गम्भीर अवस्थामा

जानु पाण्डे
कपिलवस्तु, असोज २१ गते । काठमाडौंबाट तुलसीपुरतर्फ जाँदै गरेको यात्रुबाहक बस कपिलवस्तुमा दुर्घटना हुँदा आठ जना घाइते भएका छन् । घाइते मध्ये दुई जनाको अवस्था गम्भीर रहेको छ । घाइतेको उपचारको लागि कपिलवस्तु सामुदायिक अस्पताल जितपुरमा पठाइएको जिल्ला ट्राफिक प्रहरी कार्यालय कपिलवस्तुका प्रहरी निरीक्षक दिलीप क्षेत्रीले बताउनुभएको छ ।
ना ६ ख ६३०१ नम्बरको बस बिहीबार विहान १०ः५५ बजे बुद्धभूमि नगरपालिका २ हरकुरखोला नजिक दुर्घटना भएको थियो । दुर्घटना भएको बसमा अन्दाजी ४० जना यात्रु सवार रहेको बताइएको छ ।