नेकपा (एस)काे केन्द्रीय बैठकमा सातै प्रदेशका गतिविधिबारे रिपोर्टिङ हुँदै

काठमाडौं, कात्तिक २७ गते । सत्ता साझेदार दल नेकपा (एस)काे केन्द्रीय कार्य समितिकाे बैठक ललितपुरकाे सानेपास्थित हेरिटेज गार्डेनमा जारी छ । नेकपा (एस) काे बैठकमा सात वटा प्रदेशकाे पार्टीको गतिविधिबारे रिपोर्टिङ लिईने पार्टीका केन्द्रीय कार्यालय सचिव डा. गंगालाल तुलाधारले बताउनुभयाे ।

नेकपा (एस) काे हिजाे शुक्रबार बसेकाे स्थायी कमिटीकाे बैठकले तय गरेकाे एजेन्डा अनुरुप शनिबारकाे बैठकमा पार्टीबाट सरकारमा गएका नेताहरुबाट भएका गतिविधि पनि प्रस्तुत गर्नुहुने उहाँले बताउनुभयो । शनिबारदेखि सुरु भएको नेकपा (एस) काे बैठक आइतबार सम्पन्न हुने जनाइएको छ ।