काँग्रेस केन्द्रीय सदस्यकाे मतगणना जारी, अपरान्हसम्ममा सकिने

 

काठमाडौं, पुस ४ गते । नेपाली काँग्रेसकाे १४ औं केन्द्रीय महाधिवेशन अन्तर्गत केन्द्रीय सदस्य खुलातर्फकाे मतगणना आइतबार पनि जारी छ । काँग्रेस केन्द्रीय निर्वाचन समितिका सचिव एवम् अधिवक्ता जगन्नाथ श्रेष्ठका अनुसार अबकाे लगभग साढे २ घण्टामा सबै मतगणना सकिनेछ ।

'हिजाे शनिबार रातिसम्म दुइ हजार ३९३ मतगणना भयाे । आज विहानदेखि अहिलेसम्म थप एक हजार दुइ सय मतगणना भइसकेको छ ।

अबकाे डेढ, साढे  घण्टामा केन्द्रीय सदस्यकाे मतगणना सकिन्छ ।', श्रेष्ठले बताउनुभएकाे छ । काँग्रेस केन्द्रीय सदस्य खुलातर्फ ३५ पदका लागि ९९ जना प्रतिस्पर्धी रहनुभएकाे छ । काँग्रेसकाे ललितपुरस्थित केन्द्रीय कार्यालय बीपी स्मृति भवनमा मतगणना भइरहेको हाे ।