१६ सय मतगणना हुँदा संग्रौला, भुषाल र राणाको अग्रता
काठमाडौं, पुष ५ गते । नेपाली काँग्रेसको १४ औं केन्द्रीय महाधिवेशनअन्तर्गत महिला खुलातर्फ एक हजार छ सय मतगणना हुदा डा. डिला संग्रौलाले एक हजार १४ मत प्राप्त गर्नुभएको छ ।
यसैगरी, पुष्पा भुषालले नौ सय ७० मत प्राप्त गर्नुभई दोस्रो स्थानमा र आरजु राणा देउवाले नौ सय एक मत प्राप्त गर्नुभई तेस्रो स्थानमा अग्रता पाउनुभएको छ । यसैगरी, अम्बिका बस्नेत आठ सय ११ मतसहित चाैथाे, ईश्वरी न्याैपाने सात सय ८६ मतसहित पाँचौ स्थानमा हुनुहुन्छ । यसपश्चात् सरिता प्रसाईं सात सय ६८ मतसहित छैठौं स्थानमा अग्रता पाउनुभएकाे छ ।
काँग्रेस केन्द्रीय निर्वाचन समितिका अनुसार केन्द्रीय सदस्य महिला खुलातर्फ ९ पदका लागि ३० जना प्रतिस्पर्धी रहनुभएको छ ।