माओवादी केन्द्रीय समिति बैठक शुक्रबार बस्ने
काठमाडौं, फागुन १८ गते । नेकपा (माओवादी केन्द्र)को केन्द्रीय समिति बैठक शुक्रबार बस्ने भएको छ ।
माओवादी केन्द्रका केन्द्रीय कार्यालय सचिव श्रीराम ढकालले फागुन २० गते बिहान ११ बजेका लागि केन्द्रीय समितिको बैठक बोलाइएको जानकारी दिनुभयो ।
गत पुस २५ गतेदेखि पटक–पटक सर्दै आएको केन्द्रीय समिति बैठक बस्न लागेको हो । बैठक राष्ट्रिय सभागृहमा बिहान ११ बजे बस्नेछ ।