जसपा संघीय परिषद् बैठक सुरु
काठमाडौं, फागुन २८ गते । जनता समाजवादी पार्टीको संघीय परिषद् बैठक सुरु भएको छ । जसपाका कार्यकारिणी सदस्य इस्तियाक राईले थापागाउँस्थित एक ब्याङ्केटमा संघीय परिषद् बैठक सुरु भएको जानकारी दिनुभयो ।
बैठकमा अध्यक्ष बाबुराम भट्टराईले राजनीतिक दस्तावेज पेश गर्ने कार्यक्रम रहेको छ । उक्त राजनीतिक दस्तावेज पारित गर्ने विषयमा बैठकमा छलफल हुने कार्यकारिणी सदस्य राईले जानकारी दिनुभयो ।
साथै, बैठकमा स्थानीय तह निर्वाचनका लागि उम्मेदवारहरुको छनोट प्रक्रियालगायत समसामयिक राजनीतिक विषयमा पनि छलफल हुने उहाँले बताउनुभयो ।
संघीय परिषद् बैठकपछि फागुन २९ र ३० गते केन्द्रीय समितिको बैठक बस्नेछ ।