सगरमाथा आरोहण गरी विश्व रेकर्ड राख्ने महर्जनलाई सम्मान गरिने

गोरखापत्र अनलाइन
काठमाडौं, चैत १० गते । नेपाल र चीनबाट एक एकपटक विश्वको शिखर सगरमाथामा आरोहण गरेर विश्व रेकर्ड कायम गर्नुभएकी पत्रकार कल्पना महर्जनलाई नगदसहित सम्मान गरिने भएको छ । 
चैत १४ गते उहाँलगायत नेपाली समाज र नेपालभाषाका विकासका लागि योगदान दिनुहुने आठजना व्यक्तित्वहरुलाई पनि सम्मान गरिनेछ । वल्र्ड नेवाः अर्गनाइजेसनले मगंलबार पत्रकार सम्मेलन आयोजना गर्दै विश्व नेवार दिवसको उपलक्ष्यमा ती आठजनालाई सम्मान गर्न लागेको जानकारी दिएको छ ।
दिवस आयोजनाका प्रमुख संयोजक सुरेन्द्रभक्त श्रेष्ठले काठमाडौं महानगरका मेयर विद्यासुन्दर शाक्यले बसन्तपुर डबलीमा उद्घाटन गर्नुहुने सो कार्यक्रममा विभिन्न पुस्तक विमोचन हुने, अन्र्तक्रिया हुने, विभिन्न खानाका प्रदर्शनी, फोटो प्रदर्शनी हुने जनकारी दिनुभयो ।