स्याङ्जाका सबै पालिकामा नेतृत्व चयन सम्पन्न

अर्जुन काफ्ले
स्याङ्जा, असोज ११ गते । नेपाली काग्रेसको १४ औं अधिवेशन अन्र्तगत सहमति र निर्वाचन प्रक्रियामार्फत् स्याङ्जामा नेतृत्व चयन भएको छ ।
जिल्लामा ११ पालिका रहेकोमा चापाकोट नगरपालिकामा सहमतिमा नगर समिति र अन्य पालिकामा निर्वाचनको माध्यमबाट नेतृत्व चयन भएका हुन् । चापाकोट नगरपालिकामा निर्विरोध सभापति विक्रम सारु रहने गरी नगर समिति चयन भएको हो ।
यस्तै, भिरकोट नगरपालिकामा यामप्रसाद अधिकारी, गल्याङ नगरपालिकामा श्यामप्रसाद बस्याल, पुतलीबजार नगरपालिकामा सुरजकुमार अधिकारी, वालिङ नगरपालिकामा नेत्र पाण्डे निर्वाचनको माध्यमबाट सभापतिमा चयन हुनुभएको हो ।
यस्तै बिरुवामा डोलराज पोख्रेल, हरिनासमा टोपबहादुर भुजेल, अर्जुनचौपारीमा विष्णु काफ्ले, फेदीखोलामा महेन्द्र थापा, आँधीखोला गाउँपालिकामा नरेन्द्र पौडेल र कालिगण्डकी गाउँपालिकामा नगर बहादुर थापाले जित हात पादै सभापति चयन हुनुभएको छ ।