मोटरसाइकलको ठक्करबाट पैदल यात्रुको मृत्यु

तनहुँ समाचारदाता
तनहुँ, असोज १३ गते । पृथ्वीराजमार्गमा पर्ने तनहुँको व्यास नगरपालिका– १२ देउरालीमा बुधबार विहान मोटरसाईकलको ठक्करबाट स्थानिय एक वृद्धाको मृत्यु भएको छ ।
छिर्कनेबाट दमौली जाँदै गरेको ग १६ प १६७७ नम्बरको मोटर साईकलले पैदलयात्री ७२ की चेतकुमारी जैशीलाई ठक्कर दिँदा मृत्यु भएको प्रहरीले जनाएको छ ।

जैसी सख्त घाइते भई उपचारको लागि रत्नहरी अस्पताल दमौली ल्याएकोमा अस्प्तालको डाक्टरले मृत घोषणा गरेको जिल्ला ट्राफिक प्रहरी कार्यालय तनहुँका प्रमुख डोलिन्द्रबहादुर हमालले जानकारी दिनुभयो ।
दुर्घटनाको अनुसन्धानको लागि मोटरसाइकल चालक सोही वडाको कमलबारी बस्ने वर्ष २१ को अनिश पन्थ र मोटरसाइकललाई नियन्त्रणमा लिइएको ट्राफिक प्रमुख हमालले जानकारी दिनुभयो ।