गोरखा काँग्रेसमा न्यौपाने निर्वाचित

नरेन्द्र ढकाल
गोरखा, असोज २१ गते । नेपाली काँग्रेस गोरखाले नयाँ नेतृत्व चयन गरेको छ । बिहीबार सम्पन्न अधिवेशनले नन्दप्रसाद न्यौपानेको नेतृत्वमा नयाँ कार्यसमिति चयन भएको निर्वाचन अधिकृत देवबहादुर महतले जानकारी दिनुभयो ।

जिल्ला सभापति न्यौपानको एकल उम्मेदवारी परेपछि उहाँ निर्बिरोध सभापति हुनुभएको हो । अन्य पदाधिकारीको लागि भने निर्वाचन भएको महतले बताउनुभयो । निर्वाचनको अन्तिम परिणाम बिहिबार बिहान सार्वजानिक गरिएको निर्वाचन अधिकृत महतले जानकारी दिनुभयो ।

उपसभापतिमा धिरन थापा निर्वाचित हुनुभयो । दुई उपसभापतिका लागि ५ जनाबीच प्रतिस्पर्धा भएको थियो । कोषाध्यक्षमा कृष्णबहादुर आले निर्वाचित हुनुभएको छ ।

नवनिर्वाचित सभापति, पदाधिकारी एवं सदस्यहरुको बिहीबार एक कार्यक्रमका वीच पदस्थापन गराइएको छ । निर्वाचन अधिकृत महतले उहाँहरुलाई पद तथा गोपनियताको सपथ ग्रहण गराउनुभयो ।