पानीमा डुबेर एक महिलाको मृत्यु

शिवशङ्कर मिश्र
बारा, असोज २५ गते । बारामा नहरको पानीमा डुबेर एक महिलाको मृत्यु भएको छ । मृत्यु हुनेमा सुवर्ण गाउँपालिका वडा नम्बर १ पशुरामपुर टोल बस्ने ५० वर्षीय तसलिमा खातुन रहेको अस्थायी प्रहरी पोष्ट चरमोहनाले जनाएको छ ।
सोही ठाउँस्थित नहरमा एक महिला मृत अवस्थामा रहेको स्थानीयबाट सूचना प्राप्त भएपछि सोधपुछ गर्दा मानसिक अवस्था ठिक नभएको तसलिमा आइतबार बिहानैदेखि बेपत्ता रहेको तथा साँझ ४ बजे नहरको पानीमा मृत भेटिएको बाराका प्रहरी नायब उपरीक्षक गौतम मिश्रले बताउनुभयो ।
मृतक तसलिमाको शव परीक्षण गर्न कलैया अस्पतालमा ल्याइएको उहाँले बताउनुभयो ।