छ पालिकामा एमालेको सर्वसम्मत नेतृत्व चयन

कमल शर्मा
दैलेख, कात्तिक १७ गते । सोमवारदेखि सुरु भएको नेकपा एमालेको प्रथम पालिका अधिवेशन अझै जिल्लाका सबै पालिकामा सम्पन्न हुन सेकेको छैन । मङ्गलवारसम्म जिल्लाका ११ पालिका मध्ये छ वटा पालिका अधिवेशनबाट नयाँ नेतृत्व चयन भएको नेकपा एमाले दैलेखका अध्यक्ष एवम प्रतिनिधिसभा सदस्य रवीन्द्रराज शर्माले बताउनुभयो ।
उहाँले निर्वाचन क्षेत्र नः १ का पाँच पालिकामा नेतृत्व चयन भएको जानकारी दिनुभयो । उहाँले महावु गाउँपालिका, नाैमुले गाउँपालिका, भगवतिमाई गाउँपालिका,नारायण नगरपालिका, गुराँस गाउँपालिका, डुगेश्वर गाउँपालिकामा सर्ब सम्मत नेतृत्व चयन भएको जानकारी दिनुभयो । उहाँका अनुसार महावु गाउँपालिकामा मिनबहादुर बुढा,

भगवतिमाई गाउँपालिकामा नरेन्द्र शाही, नौमुले गाउँपालिकामा शशिराम बिश्वकर्मा, नारायण नगरपालिकामा चन्द्रप्रसाद उपाध्याय, गुराँस गाउँपालिकामा हिमबहादुर वली, डुगेश्वर गाउँपालिकामा मानबहादुर विष्ट अध्यक्षमा निर्वाचित भएको जानकारी दिनुभयो ।

निर्वाचन क्षेत्र नः २ मा रहेका दुल्लु नगरपालिका, चामुण्डाबिन्द्रासैनी नगरपालिका, ठाटिकाँध गाउँपालिका, आठबिस नगरपालिका, भैरबी गाउँपालिकामा भने अहिलेसम्म नेतृत्व चयन हुन सकेको छैन ।