महिलाको शव वरामद

नगेन्द्रकुमार कर्ण
जलेश्वर, मङसिर १५ गते । महोत्तरी जिल्लाको लोहारपट्टी नगरपालिका ६ मा बुधबार बिहान एक महिलाको शव बरामद भएको छ । लोहारपट्टी नगरपालिका ६ लोहारपट्टी बजार नजिकै घर भएका सुरेन्द्र मण्डलका ३४ वर्षिया श्रीमती रुबी मण्डलको शव घर अगाडि फेला परेको जिल्ला प्रहरी कार्यालय महोत्तरीका प्रवक्ता प्रहरी नायब उपरिक्षक प्रकाश विष्टले जानकारी दिनुभयो ।

महिलाको विभिन्न ठाउँमा चोटपटक लागेको कारण हत्याको आशङ्का रहेको जानकारी दिनुहुँदै थप कुरा अनुसन्धानबाट खुल्ने उहाँले बताउनुभयो । घरमा सौतापट्टीका करिब सात आठ वर्षीय छोरासँगै सुतिरहेको उहाँलाई राती केही व्यक्तिहरुले बोलाएको र बिहान उहाँको हत्या भएको आशङ्का गरिएको छ ।

मृतककी श्रीमान वैदेशिक रोजगारीको सिलसिलामा भारतको पञ्जावमा छन् । उहाँको हत्या के कति कारणले भएको भन्ने अनुसन्धान भइरहेको प्रहरीले जनाएको छ ।