सालनालसहित एक दिने बालिका फेला

शिवशंङ्कर मिश्र
बारा, मङ्सिर २५ गते । सालनालसहित एक दिने नाबालिका फेला परेका छन् । बाराको आर्दश कोतवाल गाउँपालिका वडा नम्बर–६ स्थित पटेवा टोलमा शनिबार विहान साढे ६ बजे नाबालिका कराएको सूचना प्राप्त भएपछि गएको प्रहरी टोलीले सो बालिकालाई फेला पारेको बारा प्रहरीले जनाएको छ ।

कोल्हवी पटेर्वा जाने बाटोमा पटेर्वास्थित परालको कुन्युमा बालिका कराइरहेको स्थानीयले दिएका जानकारी अनुसार प्रहरीले सो नाबालिकालाई लिएर आवश्यक स्याहारसुसार गर्न च्युटाहाको एक महिलाको जिम्मा लगाइएको प्रहरी नायब उपरीक्षक थापाले बताउनुभयो ।

नाबालिका र नाबालिकाकाे आमाको बारेमा खोजतलास सुरु गरिएको उहाँले जानकारी दिनुभयो ।