ट्रक दुर्घटनामा एक जनाको मृत्यु

चित्र मिजार
सिन्धुपाल्चोक, पुस ९ गते । आज बिहान मेलम्ची नगरपालिका– १० शिखरपुरमा ट्रक दुर्घटना हुदाँ एक जनाको मृत्यु भएको छ । इलाका प्रहरी कार्यालय मेलम्चीका प्रहरी निरिक्षक टीकाराम राईले बा २ ख ३६८९ नम्बरको ट्रक दुर्घटना हुदाँ जुगल गाउँपालिक सेलाङका ३३ बर्षीय कमल कार्कीको मृत्यु भएको जानकारी दिनुभयो ।

कार्की सो ट्रकधनी हुनुहुन्छ । ट्रकबाट सामान झार्नेक्रममा क्लज थिचिएका कारण दुर्घटना भएको प्रहरीको प्रारम्भिक अनुसन्धान छ । ट्रक सडकबाट सय मिटरभन्दा तल खसेको छ ।