काठले च्यापिएर एक युवाको मृत्यु

सहदेव बस्नेत
जाजरकोट, पुस ११ गते । जिल्लाको बारेकोट गाउँपालिकामा काठले च्यापिएर एक युवाको मृत्यु भएको छ । बारेकोट गाउँपालिका १ धौलाकोटका ३६ वर्षीय कृष्णबहादुर खड्काको काठले च्यापिएर मृत्यु भएको स्थानीय रमेश घर्तीले जानकारी दिनुभएको छ ।
खड्काको घर बनाउनका लागि जङ्गलमा रुख काट्ने क्रममा वडा नं ९ सक्लामा च्यापिएर मृत्यु भएको घर्तीले बताउनुभयो । बारेकोट गाउँपालिका वडानं ९ का वडाअध्यक्ष शशीराम गौतमले काठ काट्ने क्रममा आज बिहान रुखले च्यापिएका युवाको घनास्थलमै मत्यु भएको बताउनुभयो ।