कालीकोट सिडिओलाई कोरोना संक्रमण

प्रेमराज सिम्खडा
कालीकोट, माघ २ गते । जिल्ला प्रशासन कार्यालय कालीकोटका प्रमुख जिल्ला अधिकारी रामहरी शर्मालाई कोरोना सङ्क्रमण पुष्टि भएको छ । आज गरिएको कोरोना परीक्षणमा प्रमुख जिल्ला अधिकारी शर्मालाई कोरोना पुष्टी भएको हो ।

शर्मालाई सामान्य रुघाखोकी लागेको र स्वास्थ्यमा अलि असहज भएपछि कोभिड परीक्षण गराउनुभएको थियो । गरिएको एन्टीजेन परीक्षणमा प्रमुख जिल्ला अधिकारी शर्मालाई कोरोना पुष्टी भएपछि होम आइसोलेसनमा वस्नु भएको छ ।

प्रजिअ शर्माले सबैलाई सचेत हुन सुझाव दिनुभयो । स्वास्थ्य सेवा कार्यालय कालीकोटका जनस्वास्थ्य अधिकृत गौराकुमारी घर्तिमगरले तेस्रो लहरको कोरोनावाट कालीकोटमा १९ जना सङ्क्रमित भएको वताउनुभयो ।