बालविवाह गर्ने जोडी पक्राउ

कमल शर्मा
दैलेख, माघ १२ गते । जिल्लामा बाल विवाहसम्बन्धी कसुरमा दुई जना पक्राउ परेका छन् । प्रहरीले बाल विवाह गरेको आरोपमा दुई जनालाई पक्राउ गरेको हो । जिल्ला प्रहरी कार्यालय दैलेखका डिएसपी भुवनेश्वरप्रसाद साहकाअनुसार दुल्लु नगरपालिका ४ बस्ने दिनेश थापा र एक बालिका पक्राउ परेको जानकारी दिनुभयो ।

थापाले ती बालिकालाई माघ ८ गते ललाई फकाई प्रलोभनमा पारी बालविवाह गरी घरमा ल्याइरहेको भन्ने जाहेरी परेकाले थप अनुसन्धानका लागि दुवै जनालाई नियन्त्रणमा लिइएको डिएसपी साहले जानकारी दिनुभयो । पक्राउ परेका दुवै जनालाई दैलेख जिल्ला अदालतबाट पाँच दिनको म्याद थप अनुमति लिई प्रहरी हिरासतमा राखेर अनुसन्धान थालेको प्रहरीले जनाएको छ ।