बुबाको हत्या गरेको अभियोगमा छोरा पक्राउ

सचिन पोख्रेल
इटहरी, माघ १३ गते । बुबाको हत्या गरेको अभियोगमा ३५ वर्षीय छोरालाई प्रहरीले पक्राउ गरेको छ । मोरङको बेलवारी नगरपालिका–९ स्थित डाँगा बजारका ३५ वर्षीय जयबहादुर खत्रीलाई प्रहरीले पक्राउ गरेको हो ।

इलाका प्रहरी कार्यालय बेलवारीका अनुसार गत बुधवार राति खत्रीले ८० वर्षीय बुबा दलबहादुर खत्रीको घाँटी थिचेर हत्या गरेका थिए । घटनाको सूक्ष्म अनुसन्धानमा परिचालित प्रहरी टोलीले बुबाको हत्या गरेको अभियोगमा खत्रीलाई पक्राउ गरेको हो ।

आरोपी खत्रीले अधिक मादक पदार्थ सेवन गरेर घरायसी विषयमा बुबासँग वादविवाद गरेको र त्यही क्रममा घाँटी थिचेर बुबाको हत्या गरेको प्रहरीको भनाइ छ । पक्राउ परेका खत्रीको सम्बन्धमा प्रहरीले थप अनुसन्धान गरिरहेको प्रहरीले जनाएको छ ।