मूर्ति र नगदसहित युवक पक्राउ
काठमाडौं, माघ २६ गते । प्रहरीले पँहेलो रङ्गको धातुको मूर्ति र नगदसहित एक जनालाई पक्राउ गरेको छ । काठमाडौं महानगरपलिका–१७ धोबिचौरस्थित सडकबाट एक थान पँहेलो रङ्गको धातुको मूर्ति, नगद एक लाख चार हजार ७४० रुपियाँ र दुई थान मोबाइलसहित प्रहरीले एक जनालाई पक्राउ गरेको हो ।
पक्राउ पर्नेमा टोखा बस्ने काभ्रेपलाञ्चोक तेमाल गाउँपालिका–८ घर भएका १७ वर्षीय किशोर रहेका छन् ।
महानगरीय प्रहरी वृत्त लैनचौरबाट खटिएको प्रहरीले उनलाई शंकास्पद रुपमा हिड्डुल गरिरहेको अवस्थामा फेला पारी जाँच गर्दा उनको साथबाट उक्त मूर्ति र नगद फेला पारी पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।