भरुवा बन्दुकसहित दुई जना पक्राउ

नारद कोहार
तौलिहवा, माघ २९ गते । कपिलबस्तुको बाणगंगा नगरपालिका २ कोठी खोला किनारबाट प्रहरीले भरुवा बन्दुकसहित दुई जनालाई पक्राउ गरेको छ । पक्राउ पर्नेमा अर्घाखाँचीको शितगंगा नगरपालिका १४ निवासी ५० बर्षीय बीरबहादुर सोमै र सोही स्थानका २८ बर्षीय खेमु मगर रहेको ईलाका प्रहरी कार्यालय पिपराका प्रहरी निरीक्षक दिनेश गुरुङले बताउनुभयो ।

बाणगंगाको मनकामना सामुदायिक वनमा केही व्यक्ति बन्दुकसहित हिडिरहेको भन्ने गोप्य सूचनाको आधारमा प्रहरीले उनिहरुलाई पक्राउ गरेको हो । सोमैको साथबाट एक थान खाली भरुवा बन्दुक र मगरको साथबाट एक थान लोडेड भरुवा बन्दुक फेला परेको प्रहरी निरिक्षक गुरुङले बताउनुभयो । उनीहरु दुवैमाथि थप अनुसन्धान भइरहेको प्रहरीले जनाएको छ ।