गुडिरहेको यात्रुवाहक बसमा एक्कासि आगो लागे पछि !

जानु पाण्डे
कपिलवस्तु फागुन १ गते । कपिलवस्तुको बुद्धभूमि नगरपालिका ४ बुड्डीमा गुडिरहेको यात्रु बाहक बसमा अचानक आगो लागेको छ । नेपालगन्जबाट बुटवल तर्फ जाँदै गरेको भे १ ख २९५६ नम्बरको बस साँझ अन्दाजी ७ बजे आगो लागेको थियो ।
बसको विद्युत सर्किट सर्ट भएको ले आगलागी भएको बसमा सवार एक यात्रुले बताउनु भयो । आगो सल्किएको थाहा भए पछि बसको डिक्की बाहेक अरु सामान निकाल्न सफल भएको छ । बसमा १४ जना यात्रु सवार रहेको इलाका प्रहरी कार्यालय गोरुसिङ्गेका प्रहरी निरीक्षक लीलामणी आचार्यले बताउनुभयो । आगो निभाउन शिवराज नगरपालिका र कपिलवस्तु नगरपालिकाको दमकल प्रयोग भएको थियो ।