प्रेस चौतारी नेपाल प्रदेश प्रतिष्ठान अध्यक्षमा ढुङ्गेल

गोरखापत्र समाचारदाता
काठमाडौं,फागुन २१ गते । प्रेस चौतारी नेपाल प्रतिष्ठान प्रदेशको अध्यक्षमा गोरखापत्र दैनिकमा कार्यरत पत्रकार सरोज ढुङ्गेल निर्विरोध निर्वाचित हुनुभएको छ ।
काठमाडौंमा शनिबार सम्पन्न प्रेस चौतारी प्रतिष्ठान प्रदेशको अधिवेशनबाट अध्यक्षमा ढुङ्गेल निर्वाचित हुनुभएको हो । प्रेस चौतारी नेपाल प्रदेश कमिटिको देशैभर अधिवेशन सम्पन्न भएका छन् । यसैगरी प्रतिष्ठान प्रदेशको उपाध्यक्षमा हिमालय टिभीमा कार्यरत पत्रकार राँमचन्द्र अर्याल, समावेशी उपाध्यक्षमा अंकुरण खबरकी सम्पादक शर्मिला थापा, महासचिवमा हेल्थआवाजका सम्पादक भिषा काफ्ले,सचिवमा तुलसी सुवेदी र केशब भट्ट निर्वाचित हुनुभएको छ ।
यस्तै कोषाध्यक्षमा थाहाखबरकी पत्रकार सञ्चिता आचार्य निर्वाचित हुनुभयो । यसैगरी सदस्यहरुमा गोरखापत्रमा कार्यरत पत्रकार दीपा चौधरी र सुमन आचार्य निर्वाचित हुनुभयो । अरु सदस्यहरुमा राजु नापित, तेज नारायण महर्जन,, अरविनमान सिंह, युवराज खत्री,महेश निरौंला,बटुकराज गिरी,सविना कार्की, अनिष अविरल मिजार, गोमा परियार र समृद्धा केसी निर्वाचित हुनुभएको छ ।
यस्तै प्रेस चौतारी नेपाल बागमती प्रदेशको अध्यक्षमा शरद सापकोटा,एशोसिएट प्रदेशको अध्यक्षमा श्रीहरी थापा र उपत्यका प्रदेशको अध्यक्षमा विष्णु आचार्य निर्विरोध निर्वाचित हुनुभएको छ । अधिवेशनमा नेकपा एमालेका उपाध्यक्ष सुवासचन्द्र नेम्वाङले निर्वाचन विथोल्ने शक्ति लागिरहेको बताउनुभयो । अधिवेशनबाट नयाँ नेतृत्वलाई बधाइ तथा शुभकामना दिनुभएको थियो ।