चोरीको मोटरसाइकलसहित एकजना पक्राउ

विजयकुमार साह
ढल्केबर, चैत ९ गते । इलाका प्रहरी कार्यालय ढल्केबरले चोरीको मोटरसाइकलसहित एक जनालाई पक्राउ गरेको छ । प्रहरीले ज११प ३१७६ नम्बरको मोटरसाइकलसहित धनुषाको मिथिला नगरपालिका–६ ढल्केवरका १८ वर्षीय सनिकुमार चौधरीलाई पक्राउ गरेको हो ।

गत फागुन २७ सो मोटरसाइकल जनकपुरधामबाट चोरी भएको थियो । प्रहरीले खाेजतलासको क्रममा ढल्केबरबाट मोटरसाइकलसहित चौधरीलाई नियन्त्रणमा लिएको इलाका प्रहरी कार्यालय ढल्केबरका प्रहरी निरीक्षक प्रदीप सुवेदीले जानकारी दिनुभयो ।

मोटरसाइकलसहित पक्राउ परेका चौधरीमाथि चोरी मुद्दा चलाइएको छ । जिल्ला अदालत धनुषाबाट सात दिन म्याद थप गरी अनुसन्धान कार्य अगाडि बढाएको प्रहरी निरीक्षक सुवेदीले जानकारी दिनुभयो ।