सालनालसहित नवजात शिशुको शव फेला

काठमाडौं, चैत १७ गते । फोहोरको डङ्गुरमा भर्खरै जन्मिएको सालनालसहितको नवजात शिशुको शव फेला परेको छ । काठमाडौं महानगरपालिका वडा नं.३० मैतीदेवीस्थित धोबीखोला करिडोर सडकखण्डको छेउमा थुपारिएको फोहोरको डङ्गुरमा आज बिहान करिब ११ बजे सालनालसहितको नवजात शिशुको शव फेला परेको हो ।

महानगरीय प्रहरी परिसरका प्रवक्ता दिनेशराज मैनालीका अनुसार महानगरीय प्रहरी बृत्त, मालीगाउँबाट खटिएको टोलीले मुचुल्का गरी शव परीक्षणका लागि त्रिवि शिक्षण अस्पताल, महाराजगञ्ज पठाइएको छ । घटनाको सम्बन्धमा थप अनुसन्धान भइरहेको छ ।