सवारी दुर्घटनामा शिक्षकको मृत्यु

विष्णुप्रसाद पोखरेल
दमक, चैत १९ गते । झापामा सवारी दुर्घटना हुँदा एक जना शिक्षकको मृत्यु भएको छ भने अर्का एक जना गम्भीर घाइते भएका छन् ।

शनिबार बिहान ५ बजे अर्जुनधारा–६ स्थित सडक किनारमा पिकअप भ्यानले ठक्कर दिँदा दुर्गा माध्यमिक विद्यालय गरामनीमा कार्यरत ५३ वर्षीय शिक्षक कृष्णप्रसाद निरौलाको मृत्यु भएको जिल्ला प्रहरी कार्यलय दमकले जनाएको छ । प्रदेश १–०१–००१–च ९१०७ नम्बरको पिकअपले ठक्कर दिँदा शिक्षक निरौलाको घटनास्थलमै मृत्यु भएको हो ।

त्यस्तै, सोही पिकअपको ठक्करबाबाट बिर्तामोड–५ का ४५ वर्षीय अर्जुज उप्रेतीलाई ठक्कर दिँदा गम्भीर घाइते भएका छन् । उप्रेतीको बिएण्डसी हस्पिटलमा उपचार भइरहेको छ ।

पिकअप चालक फरार रहेको र खोजी कार्य भइरहेको प्रहरीले जनाएको छ ।