जसपाले संविधान दिवसमा भाग नलिने

जसपाका अध्यक्ष महन्थ ठाकुर र उपेन्द्र यादवले शुक्रबार विज्ञप्ति जारी गर्दै सो निर्णय सार्वजनिक गर्नुभएको हो । जारी विज्ञप्तिमा भनिएको छ, “संविधानले मधेशी, आदिवासी जनजाति, दलित र शिल्पी, महिला, खस, मुस्लिम, थारु, अल्पसंख्यक समुदायहरुका साथै उत्पीडित जातजाति एवम् समुदायहरुले उठाउँदै आएका राष्ट्रिय मुद्दाहरुलाई सम्वोधन गर्न सकेको छैन ।”

संविधानमा संघीयता समावेशी लोकतन्त्र, राष्ट्रिय पहिचान, समानुपातिक समावेशिकरण लगायतका प्रावधानहरु अधुरो र अपूर्ण रहेको सो दलले आरोप लगाएको छ । विज्ञप्तिमा भनिएको छ, “संविधानमा बिभेदकारी प्रावधानहरु राखिएको हुँदा सरकारले घोषणा गरेको संविधान दिवसमा भाग नलिन र बिरोधको कार्यक्रम गर्न पार्टी संगठनलाई आह्वान गरिन्छ ।” लक्की चौधरी