काँग्रेस महामन्त्रीमा गगन थापा र विश्वप्रकाश शर्मा जित नजिक

काठमाडौँ, पुस १ गते । नेपाली काँग्रेसको महामन्त्री पदमा गगन थापा र विश्वप्रकाश शर्माले अग्रता कायम राख्नुभएको छ । १४ औँ महाधिवेशन अन्तर्गत ४६ सय ८२ मतगणना हुँदा गगन थापाले तीन हजार २३ मत प्राप्त गर्नुभएको छ। त्यसैगरी विश्वप्रकाश शर्माले १९ सय ८४ मत प्राप्त गर्नुभएको छ ।

त्यसैगरी तेस्रो स्थानमा रहनुभएका डा. प्रकाशशरण महतले १५ सय ५६ प्राप्त गर्नुभएको छ भने प्रदीप पौडेलले १३ सय ९३ मत प्राप्त गर्नुभएको छ । महामन्त्रीका अर्का प्रत्याशी राजाराम कार्कीले भने १०६ मत मात्र प्राप्त गर्नुभएको छ ।

काँग्रेस विधान अनुसार दुई जना महामन्त्री निर्वाचित हुनुहुनेछ । महामन्त्रीमा थापा र शर्माको जित निश्चित भएको छ ।