काँग्रेसको १६ जिल्ला अधिवेशन अनिश्चित
काठमाडौं, माघ ७ गते । नेपाली काँग्रेसको १६ जिल्लामा बाँकी रहेको अधिवेशन अनिश्चित बनेको छ । कोरोना संक्रमण फैलिँदै गएपछि बिहीबार बसेको काँग्रेस केन्द्रीय निर्वाचन समितिले माघ १५ गतेका लागि तोकिएको १६ जिल्ला अधिवेशन स्थगित गरिएको हो ।
काँग्रेस केन्द्रीय निर्वाचन समिति सचिव केशव रिजालका अनुसार संक्रमणको जोखिम न्यूनीकरण भएर जनजीवन सामान्य भएपछि जिल्ला अधिवेशन तत्काल गरिने जानकारी गराउनुभएको छ ।
काँग्रेसले सप्तरी, सिराहा, धनुषा, महोत्तरी, सर्लाही, रौतहट, बारा, पर्सा, सिन्धुली, मकवानपुर, सिन्धुपाल्चोक, चितवन, नवलपुर, बाँके, कैलाली र अछाममा जिल्ला अधिवेशन गर्न सकेको छैन ।
