निर्वाचनमा सहभागी हुन एमालेद्वारा आयोगमा दल दर्ता

काठमाडौं, फागुन १३ गते । नेकपा (एमाले)ले स्थानीय तह निर्वाचनमा सहभागी हुन निर्वाचन आयोगमा दल दर्ता गराएको छ ।
शुक्रबार काठमाडौंको कान्तिपथस्थित निर्वाचन आयोगको कार्यालयमा पुगेर एमाले महासचिव शङ्कर पोखरेल नेतृत्वको टोलीले निर्वाचनमा सहभागी हुन दल दर्ता गराउन निवेदन दिनुभएको हो ।
निर्वाचन आयोगले स्थानीय तह निर्वाचनका लागि दल दर्ताको मिति फागुन १५ गतेसम्म तोकेको छ । बिहीबारसम्म २९ दलले निर्वाचनमा सहभागी हुन दल दर्ताका लागि निवेदन दिएको आयोगले जनाएको छ ।