एमाले पोलिट्ब्यूरो बैठकमा निर्वाचन केन्द्रीत छलफल हुने
काठमाडौं, चैत ७ गते । प्रमुख प्रतिपक्षी दल नेकपा एमालेको पोलिट्ब्युरो बैठक सोमबार बिहान ११ बजे बस्दैछ ।
काठमाडौंको बबरमहलस्थित एक बैंक्वटमा बस्ने उक्त बैठकमा आसन्न स्थानीय तहको चुनावकेन्द्रित छलफल हुने एमाले प्रचार विभागका उपप्रमुख विष्णु रिजालले बताउनुभयो ।
'निर्वाचन केन्द्रित, उम्मेद्वार छनोट, घोषणापत्र लगायतका विषयमा पोलिट्ब्युरोको यो पहिलो बैठकमा छलफल हुनेछ', उहाँले भन्नुभयो ।
निर्वाचनको मिति नजिकिँदै गर्दा राजनीतिक दलहरु चुनावका गतिविधि तथा रणनीतिक योजना निर्माणमा जुटिरहेका छन् ।
सोही क्रममा एमालेले पनि निर्वाचनकेन्द्रित कार्यक्रम र छलफल अघि बढाएको हो ।