गगन थापा निर्वाचन घोषणापत्र तयारी समिति संयोजक चयन

काठमाडौं, चैत १० गते । नेपाली काँग्रेसका सभापति शेरबहादुर देउवाले पार्टी महामन्त्री गगन थापालाई घोषणापत्र तयारी समितिको संयोजक मनोनयन गर्नुभएको छ ।

सभापति देउवाले बुधबार महामन्त्री थापालाई ‘स्थानीय तह निर्वाचन–२०७९, घोषणापत्र तयारी समिति’को संयोजक मनोनयन गर्नुभएको हो ।

काँग्रेस केन्द्रीय कार्यसम्पादन समितिको २०७८ फागुन ३ गतेको बैठकको निर्णय अनुसार समिति संयोजक मनोनय गर्नुभएको पार्टी कार्यालयका मुख्य सचिव कृष्णप्रसाद पौडेलले जानकारी दिनुभयो ।