बन्द प्रशिक्षणमा सहभागी हुने खेलाडीको स्वाब सङ्कलन गरियो

गोरखापत्र अनलाइन
काठमाडौं, मंसिर ९ गते । नेपाल क्रिकेट संघले बन्द प्रशिक्षणमा सहभागी हुने खेलाडी र ग्राउण्ड कर्मचारीको स्वाब सङ्कलन गरेको छ । बुधबारदेखि संघले आगामी अन्तर्राष्ट्रिय प्रतियोगिताको तयारी स्वरुप बन्द प्रशिक्षण सुरु गर्दैछ ।
नेपाल क्रिकेट संघका अनुसार बन्द प्रशिक्षणमा सहभागी हुने २२ खेलाडी, ग्राउण्ड र क्यानका कर्मचारीहरुको स्वाब सङ्कलन गरिएको छ । त्रिवि क्रिकेट ग्राउण्डमा जम्मा भएका खेलाडीहरुको स्वाबको नतिजा आएपछि मात्रै बन्द प्रशिक्षण सुरु हुनेछ ।
क्यानले गत् साता बन्द प्रशिक्षणका लागि २२ जना खेलाडी र प्रशिक्षकको सूची सार्वजनिक गरेको थियो । कोभिड–१९ परीक्षण रिपोर्ट निगेटिभ आए मात्रै खेलाडी र कर्मचारी बन्द प्रशिक्षणमा सहभागी हुन पाउनेछन् ।