एक खेल अगावै दक्षिण अफ्रिका विरुद्धको श्रृखंला इंग्ल्याण्डले जित्यो

गोरखापत्र अनलाइन
काठमाडौं, मंसिर १५ गते । इंग्ल्याण्डले दक्षिण अफ्रिका विरुद्धको तीन म्याचको टी ट्वान्टी श्रृखंला २–० ले जितेको छ । दोस्रो टी ट्वान्टी खेलमा इंग्ल्याण्डले चार विकेटको जितसँगै एक खेल बाँकी छँदै श्रृखंला जितेको हो ।
दक्षिण अफ्रिकाले प्रस्तुत गरेको १४७ रनको लक्ष्य इंग्ल्याण्डले खेल सकिन एक बल बाँकी छँदै मात्र छ विकेटको क्षतिमा पुरा गरेको हो । इंग्ल्याण्डका लागि देविड मलानले सर्वाधिक ५५ रनको योगदान दिनुभयो । कप्तान इयन मोर्गन २६ बलमा अविजित रहनुभयो । क्रिस जोर्डन तीन रन बनाएर अविजित रहनुभयो ।
दक्षिण अफ्रिकाका लागि तबरेज सम्सीले सर्वाधिक तीन तथा लुगिं एनगिडीले दुई र कगिसो रबाडाले एक विकेट लिनुभयो ।
यसअघि पार्लमा टस हारेर पहिला ब्याटिंग गर्ने निम्ता पाएको दक्षिण अफ्रिकाले पुरा २० ओभर खेल्दै छ विकेटको क्षतिमा १४६ रनको योगफल तयार गर्यो । ओपनर क्विन्टन डे ककको ३० तथा भ्यान डर दुस्सैनले अविजित २५ रन बनाउनुभयो । जर्ज लिण्डेले २९ रनको योगदान दिनुभयो ।
इंग्ल्याण्डका लागि अदिल रशिदले सर्वाधिक दुई तथा जोफ्रा आर्चर, टम कर्रन र क्रिस जोर्डनले सामान एक एक विकेट लिनुभयो । दविड मलान प्लेयर अफ द् म्याच घोषित हुनुभयो ।