इंग्ल्याण्ड र दक्षिण अफ्रिकाबीचको एकदिवसीय श्रृखंला हुने निश्चित

गोरखापत्र अनलाइन
काठमाडौं, मंसिर २० गते । दक्षिण अफ्रिका र इंग्ल्याण्डबीचको एकदिवसीय श्रृखंला हुने भएको छ । एकजना खेलाडीमा कोरोना सङ्क्रमणको पुष्टि भएपछि खेलका लागि निर्धारित समयभन्दा केही घण्टा अघि मात्र स्थगित हुन पुगेको थियो ।
दक्षिण अफ्रिकी क्रिकेट बोर्डले बिहीबार कोरोना सङ्क्रमण पोजिटिभ पाइएको खेलाडीलाई परीक्षण बिना नै टोलीबाट बाहिरिएको छ ।
दक्षिण अफ्रिकी क्रिकेट टोलीका सदस्यहरुको शुक्रबार साँझ गरिएको कोरोना परीक्षणमा सबै खेलाडीको रिपोर्ट निगेटिभ आएपछि सोमबार पहिलो एकदिवसीय खेल हुने भएको हो । यसअघि पहिलो एकदिवसीय शुक्रबारका लागि निर्धारण गरिएको थियो । दोस्रो आइतबार र तेस्रो बुधबारका लागि निर्धारित थियो । दक्षिण अफ्रिकी क्रिकेट बोर्डले एक वक्तब्य जारी गरी शनिबार बिहान आएको परीक्षण नतिजामा कुनै खेलाडीमा सङ्क्रमण पुष्टि नभएको उल्लेख गरेको छ ।
परीक्षणमा कुनै खेलाडीमा सङ्क्रमणको पुष्टि भए इंग्ल्याण्ड विरुद्धको एकदिवसीय श्रृखंला रद्य हुने अवस्थामा पुगेको थियो । इंग्ल्याण्ड विरुद्धको पहिलो एकदिवसीय अब आइतबार खेलाइनेछ । दोस्रो एकदिवसीय सोमबार र तेस्रो बुधबार हुनेछ । बिहीबार इंग्ल्याण्ड क्रिकेट टोली स्वदेश फर्किनेछ ।