हाइवे र न्यूस्टारले अङ्क बाँड्यो

हरिप्रसाद कोइराला
पथरीशनिश्चरे–मोरङ, मङ्सिर २९गते । मोरङको पथरीमा जारी पथरीशनिश्चरे प्रिमियर लिग फुटबल प्रतियोगिता अन्तर्गत सोमबारको खेलमा हाइवे फुटबल क्लव र न्यूस्टार क्लबले १–१ गोलको बराबरी खेल्दै अङ्क बाँडेका छन् ।
हाइवे फुटबल क्लवका आशिष गुरुङले खेलको १६ औं मिनेटमा न्यूस्टार बिरुद्ध गोलगर्दै टिमलाई अग्रता दिलाउनु भयो । अघिल्लो खेलमा बराबरी खेलेको हाइवेको १ अङ्क थियो भने अघिल्लो खेल हारेर अङ्क बिहीन बनेको न्यूस्टार आजको खेल जित्नै पर्ने दवावमा थियो । अत्यन्तै प्रतिस्पर्धात्मक खेलको ४३ औं मिनेट न्यूस्टार क्लवका मीन धिमालले पाउनु भएको पेनाल्टी गोलमा परिणत भएपछि न्यूस्टारको खेलमा पुनरागमन भयो ।
१–१ को बराबरी भएपछि खेल अझ प्रतिस्पर्धात्मक र तनावपूर्ण भएको थियो । पहिलो हाफमै खेल बराबरीमा गएपछि दुबै टोलिले अग्रता लिन कडा स्पर्धा गरेको थियो । तर दुबै टोलीले पाएको गोलको अबसरलाई सदुपयोग गर्न नसक्दा दुबैले अङ्क बाँड्न बाध्य भयो ।
आजको खेलमा न्यूस्टारका मीन धिमाल प्लेयर अफ द म्याच घोषित हुनुभयो । मङ्गलबार शिखर फुटबल क्लव र सिरिजंघा फुटबल क्लवबीच खेल हुनेछ । मोफसलमा पहिलो पटक भएको प्रेन्चाइन लिग फुटबल प्रतियोगिताले आजको खेलमा उल्लेख्य दर्शक पाएको थियो ।