दि रियल ब्रदर्सको जित

हरिप्रसाद कोइराला
पथरीशनिश्चरे –मोरङ, पुस ६ गते । पथरी शनिश्चरे प्रिमियर लिग फुटबल प्रतियोगिता अन्तर्गत आज भएको खेलमा रियल ब्रदर्स विजयी भएको छ ।रियल ब्रदर्सले नवोदय फुटबल क्लबलाई १–०ले हराउँदै समुहको बिजेता हुँदै नकआउटक चरणमा प्रवेश गरेको छ ।
द रियल ब्रदर्सका डम्बर मगरले खेलको १५ ओै मिनेटमा गरेको गोल नै आजको खेलमा निर्णायक बन्यो । लिगको आज भएको अन्तिम खेल सँगै नकआउट समीकरण पुरा भएको छ ।
नकआउट चरणमा आजको बिजेता द रियल ब्रदर्सले न्युस्टार फुटबल क्लबसँग सेमिफाइनल प्रवेशका लागि बिहीबार खेल्ने छ । त्यस्तै बुधबार नवोदय फुटबल क्लवले सिरिजङ्घा फुटबल क्लबसँग प्रतिस्पर्धा गर्नेछ ।
आजको खेलमा द रियल ब्रदर्सका दिपेन माझी मेन अफ द म्याच घोषित हुनुभयो ।
प्रतियोगिताको बिजेताले एक लाख ७५ हजार रुपियाँ र उप बिजेताले ७५ हजार रुपियाँ सहित ट्रफि, मेडल र प्रमाण पत्र प्राप्त गर्नेछन् ।