न्युजिल्याण्डले छ वर्षपछि इंग्ल्याण्डमा टेष्ट श्रृखंला खेल्ने

गोरखापत्र अनलाइन
काठमाडौं, माघ १२ गते । इंग्ल्याण्ड र न्युजिल्याण्डबीचको दुई टेष्ट खेलको श्रृखंला हुने निश्चित भएको छ । लर्ड्स र एबजेस्टनमा दुबै टेष्ट खेल जुन महिनामा हुनेछ ।
इंग्ल्याण्ड क्रिकेट बोर्डका अनुसार न्युजिल्याण्डसँग जुन २ देखि छ सम्म लर्ड्समा पहिलो टेष्ट खेल्ने सहमति भएको छ । दोस्रो टेष्ट जुन १० देखि १४ सम्म एजबेस्टनका लागि निर्धारण गरिएको छ । दुई टेष्टपछि इंग्ल्याण्ड र न्युजिल्याण्डले तीन म्याचको टी ट्वान्टी श्रृखंला खेल्नेछन् ।
इंग्ल्याण्डले यसअघि सन् २०१५ मा इंग्ल्याण्डमा टेष्ट म्याच खेलेको थियो । यद्दपी सन् २०१९ को विश्वकपको फाइनलमा समेत यी दुबै टोलि एक अर्का विरुद्ध उत्रेको थियो ।