लाम्पार्ड बर्खास्तपछि थोमस टुचेल चेल्सीको नयाँ प्रशिक्षक हुने

गोरखापत्र अनलाइन
काठमाडौं, माघ १३ गते । थोमस टुचेल चेल्सीको नयाँ प्रशिक्षक बन्ने हुनुभएको छ । सोमबार फ्रयाङ्क लाम्पार्डलाई चेल्सीले बर्खास्त गरेपछि टुचेल नयाँ प्रशिक्षक बन्न लाग्नुभएको हो ।
टुचेल यूरोपेली फुटबल इतिहासको सबैभन्दा जटिल ब्यक्तित्वका प्रशिक्षकको रुपमा परिचित हुनुहुन्छ । ४७ वर्षीय टुचेल राजनीतिक रुपमा सशक्त र कुशल रणनीतिकारका रुपमा चिनिनुहुन्छ । गत डिसेम्बरमा टुचेललाई पेरिस सैन्ट जर्माइनले बर्खास्त गरेको थियो । महिनौंसम्म निर्देशक लिओनार्दोसँगको विवादपछि टुचेललाई पीएसजीले बर्खास्त गरेको थियो ।
टुचेल राम्रा प्रशिक्षक नरहेको भन्दै प्रशंसकले आलोचना गरिरहँदा उहाँकै प्रशिक्षणमा पीएसजीले गत् अगष्ट महिनामा च्याम्पियन्स लिगको फाइनलमा पुगेर उपाधि हात पारेको थियो ।