शेफिल्ड यूनाइटेडबाट उपाधिका दाबेदार म्यान्चेष्टर यूनाइटेड स्तब्ध

गोरखापत्र अनलाइन
काठमाडौं, माघ १५ गते । इंग्लिश प्रिमियर लिगको पुछारमा रहेको शेफिल्ड यूनाइटेडले म्यान्चेष्टर यूनाइटेडलाई स्तब्ध बनाएको छ । प्रिमियर लिग अन्तर्गत गए राति अबेर सम्पन्न खेलमा शेफिल्डले म्यान्चेष्टर यूनाइटेडलाई २–१ ले हराएको हो ।
खेलको २३ औं मिनेटमा किन ब्रायनको हेडरमार्फत् शेफिल्ड यूनाइटेड म्यान्चेष्टर यूनाइटेडमाथि १–० को अग्रता लियो । जोन फ्लेकको कर्नरलाई उहाँले हेडरमार्फत् गोलको दिशा दिनुभयो । ६४ औं मिनेटमा हयारी मैग्वेरको गोलमा म्यान्चेष्टर यूनाइटेड बराबरी गोल फर्काउँदै खेल १–१ को बराबरीमा ल्यायो । ७४ औं मिनेटमा विस्थापित ओलिभर बर्कले एक्जेल टुआनजेबेको फ्लिकलाई गोलको दिशा दिदै शेफिल्ड यूनाइटेडको म्यान्चेष्टर यूनाइटेडमाथि २–१ को जित सुनिश्चित गर्नुभयो ।
सन् १९९२ पछि शेफिल्डले पहिलोपटक म्यान्चेष्टर यूनाइटेडलाई हराउन सफल भयो ।
हरसँगै म्यान्चेष्टर यूनाइटेड अङ्कतालिकाको दोस्रो स्थानमा झरेको छ । शीर्ष स्थानको म्यान्चेष्टर सिटीको ४१ अङ्क रहेको छ । सिटीले यूनाइटेडभन्दा एक खेल कम खेलेको छ । यूनाइटेडले २० खेलबाट ४० अङ्क बटुलेको हो ।