वेष्टइन्डिज विरुद्ध शकीब खेल्ने सुनिश्चित

गोरखापत्र अनलाइन
काठमाडौं, माघ १८ गते । वेष्टइन्डिज विरुद्धको टेष्ट श्रृखंलामा बङ्गलादेशका अलराउण्डर शकीब अल हसन खेल्ने हुनुभएको छ । तेस्रो एकदिवसीय खेलमा चोटग्रस्त भएपछि उहाँको उपस्थितिलाई लिएर अन्यौलता कायम भएको थियो ।
बङ्गलादेश क्रिकेट बोर्डले घोषणा गरेको १८ सदस्यीय टोलिमा शकीब अटाएका छन् । साताको सुरुवातमा वेष्टइन्डिज विरुद्धको तेस्रो एकदिवसीय खेलमा उहाँ घाइते हुनुभएको थियो । तिघ्रामा चोट आएपछि शनिबार गरिएको स्क्यानले ठूलै क्षति नभएको देखाएपछि टोलिमा उहाँलाई समेटिएको हो ।
मोमिनुल हकको नेतृत्वमा घोषित टोलिका सदस्यहरुमा तामीम इकबाल, नजमुल होस्सैन शान्टो, मुश्फीक्र रहिम, मोहम्मद मिथुन, लिटोन दास, यासिर अलि, सैफ हस्स्न, मुस्तफिजुर रहमान, मेहिदी हसन मिराज, तैजुल इस्लाम, शदमान इस्लाम, नईम हसन, तस्किन अहमद, इबादत होस्सैन, अबु जाएद र हसन महमूद छन् ।