कतार र नेपालबीचको टी ट्वान्टी श्रृखंला स्थगित

गोरखापत्र अनलाइन
काठमाडौं, माघ १९ गते । नेपाल र कतारबीचको टी ट्वान्टी श्रृखंला स्थगित भएको छ । कतार स्पोर्टस् डे को अवसरमा फेब्रुअरी नौ देखि १२ सम्म नेपाल र कतारबीच तीन म्याचको टी ट्वान्टी श्रृखंला तय भएको थियो ।
कतार क्रिकेट संघको आयोजनामा हुने तय भएको टी ट्वान्टी श्रृखंला कोभिड असरको कारण स्थगित भएको नेपाल क्रिकेट संघले जनाएको छ । संघका सचिब अशोकनाथ प्याकुरेलले कतार सरकारको निर्णय बमोजिम कतार क्रिकेट संघले प्रतियोगिता स्थगित गर्ने आधिकारिक जानकारी गराएको उल्लेख गर्नुभएको छ । सचिब प्याकुरेलले प्रतियोगिता स्थगित भएको हुँदा तात्कालका लागि राष्ट्रिय क्रिकेट टोलिको प्रशिक्षण क्याम्प समेत स्थगित भएको जानकारी दिनुभएको छ ।